Programa didáctico

O novo programa didáctico do Parque Arqueolóxico da Cultura Castrexa está deseñado para converter a visita dos escolares ao PACC nunha experiencia non só didáctica, senón tamén divertida e diferente.

Estes tres piares son os que dan forma aos novos obradoiros, que inclúen un tentador caixón de arqueoloxía, un espazo dedicado á horticultura castrexa, unha intrépida xincana na área arqueolóxica e a creación dunha pequena maqueta castrexa. Como novidade, este ano presentamos oficialmente dúas propostas: unha completa actividade en colaboración coa Fundación Otero Pedrayo, e tamén as nosas maletas didácticas – coas maletas ábrese a posibilidade de ser nós quen vos visite aos centros educativos, adaptando os nosos obradoiros á vosa realidade-.

En definitiva, unha ampla e variada oferta de actividades para todas as idades e ciclos educativos; pensada para atender a todo tipo de público escolar incluído, por suposto, o alumnado con necesidades educativas.

Toda a información a continuación no programa didáctico:

Descarga

Programa escolar PACC Lansbrica.pdf