UN NOVO AMARRADOIRO NO CASTRO!

UN NOVO AMARRADOIRO NO CASTRO!

É moi frecuente que os traballadores do equipo das aldeas veciñas falen na escavación de mouros, mouras ou…trabes!. Fálannos dunhas galerías que construíron os mouros e que comunican o pozo oeste do castro con o monte de San Trocado. Serían unha chea de túneles, un deles cunha trabe de ouro e outro de alcatrán. Encántanos as lendas sobre os castros, pois forman parte do imaxinario popular da nosa cultura, aínda que até o de agora non foi posible atopar ningunha trabe e si outro tipo de materiais.

Nestes primeiros días de escavación, debaixo do horizonte vexetal, apareceu bastante cerámica (era visto!), muíños e de súpeto … un amarradoiro, como xa ven sendo frecuente no castro de San Cibrao de Las. Este tipo de pezas en pedra e que ás veces aparecen decoradas ou con formas de animais, se usarían imbricadas na parede para amarrar o gando, ademais dunha posible función simbólica.

Así que de momento nada de trabes, pero…quen sabe as sorpresas que nos pode deparar as seguintes xornadas na escavación?

TERRA ARQUEOS

Facebook
Instagram
Youtube